Erakusketa Paloma Navares. Argiztapenak | doako bisita
Larunbatero, Kubo-kutxa aretoak doako bisita gidatuak eskaintzen ditu “Paloma Navares. Argiztapenak" erakusketara.
- 18:30 euskaraz
- 19:30 gaztelaniaz
- Ezinbestekoa da aurrez erreserba egita 943 012 400 telefonoan edo aretoan bertan.
- Erakusketarekin batera audiogida zerbitzua lau hizkuntzetan (euskera, gaztelera, inglesa eta frantsesa) aurkitu daiteke.3 € audiogida bakoitzeko.
-
Indukzio magnetikoko begizta-zerbitzua ere badago audifona “T” (telebobina) posizioan erabiltzen dutenentzat.
Paloma Navares. Argiztapenak 1977/2017
Lau hamarkadetan zehar, argia izan da elementu garrantzitsuena multimediaren arloan diharduen Paloma Navares artistaren lanean. Batetik, osagai ezinbestekoa delako haren pieza eta instalazio gehienetan, horiek berezko argia baitute eta argiz sortutako bitartekoz nahiz elementuz eraikita baitaude, edo elementu nahiz bitarteko argi-sortzaileez. Eta bestetik, eszenaratzean ilunantz eta iluntasuneko klimaxa lortu nahi duelako.
Irudipenak eraikitzeko asmoz, Navaresek bitarteko zeharrargiak erabiltzen ditu, egiturak arinduta eta inguruneak kolore tenperaturaren eta argi intentsitatearen arabera antolatuta. Era berean, ikuspegi kultural, psikologiko, sinboliko eta emozionaletik egiten du gogoeta bisualtasunaren gainean, eta, ondorioz, materiari uko egiten dion hauskortasuna duten argiztapen eta gardentasun gisa ageri dira haren lanak. Irudi argitsuak dira ilunantzetan, etorkizunari buruz ironiaz mintzatzen den freskotasuna dutenak eta iragana iraultzen dutenak.
Atzera begirako erakusketa bikain honetan, artistaren bilduma nagusietako lanak eta instalazioak daude ikusgai: kulturaren historian azaldu eta ezkutatu dituzten emakumeei buruz kritika eta gogoeta egiteko sortutako lanak, eta bizimodu "soilaren" oinarri biopolitikoko alderdi existentziala lantzeko egindako lanak, gizarteak baztertzen dituenen “bestelako gorputzak” ardatz hartuta sortuak.
Kubo-kutxa aretoa
Zurriola, 1. 20002 Donostia
T- [+34] 943 012 400 ¦kubo@kutxa.eus¦www.sala-kubo-aretoa.eus
