EGO | Euskal Herriko Gazte Orkestra
Euskal Herriko Gazte Orkestra, EGO laburduraz ere ezaguna, 1997an sortu zuen Eusko Jaurlaritzako Kultura Sailak. Bere helburua euskal instrumentista gazteentzat orkestra formaziorako tresna izatea da.
Hasieratik, Kutxa Fundazioaren parte hartzea izan du. Bere inplikazioa eta babesa etengabekoa izan da gure orkestra gaztearentzat, 23 urte hauetan zehar.
EGOVictoria Eugenia Antzokian arituko da, Mozart-i eta Brahms-i eskainitako egitarau batekin. Rubén Gimeno Zuzendari artistikoaren hitzetan, “maisulana den” Mozarten 12. Serenatak emango dio hasiera egitarauari. Ondoren, , “lanketa kontrapuntistiko zoragarria duen” eta Mozart beran inspiratuta dagoen Brahmsen 1. Serenata interpretatuko du gazte orkestrak. Bi lan hauek lehen aldiz interpretatuak izango dira eta ziur gaude, gazte orkestrak berriz ere “lan bikaina egingo duela, magia oparituz”, María José Cano kritikariak dioen bezala. Izan ere, EGO, fundamentuzko orkestra da, sakontasun eta kalitate profesionala duena”, Óscar Cubillo kazetariak dioen bezala.
Galdu egingo duzu?
Programa
Rubén Gimeno, zuzendaria
- W.A. MOZART: Serenata nº12 K.388 do minorrean (Nachtmusik)
- J. BRAHMS: Serenata nº1 Op.11 re maiorrean
2021eko uztailaren 27a, asteartea | 20:00
Lekua: Victoria Eugenia Antzokia. Donostia / San Sebastián
Sarrerak erosi
