Zai(n)tzadan

Irakurketa musikatua Nerea Loiola eta Imanol Epelderen eskutik,Hitzak Zaindari erakusketari amaiera emango dion emanaldia.

Hitzak Zaindari, Literaturaren hitzak zaindarikanpaina jarri dute martxan EIZIEk, Euskal Editoreen Elkarteak, Euskal Idazleen Elkarteak eta Galtzagorri Haur eta Gazte Literatura Elkarteak, Kutxa Fundazioaren laguntzarekin. Gipuzkoan egiten ari da, eta «zaintza» du ardatz. Euskal literaturako bost adituk euskal letretako 20 testu aukeratu dituzte kanpaina honetarako, zaintzaren hainbat ertz erakutsi nahian, hitzak zaindariak ere badirelako.Orain inoiz baino gehiago bidea elkar zaintzea delako aukeratu dute «zaintza» gaia euskal liburugintzaren katean diharduten lau elkarteek, beren baliabideak baturik literaturaren zaintza goraipatzeko.

Aldi berean, xede dute euskal liburuaren kontsumoan eta prestigioan ere eragitea. Gainera, euskal liburugintzak behar duen presentzia areagotu nahi dute beren lana ezagutzera ematearekin batera.

Zai(n)tzadan
2021eko irailaren 2a, osteguna | 20:00
Lekua: Kutxa Kultur Plaza (4. solairua, Tabakalera). Donostia/San Sebastián

Doakoa
Eserlekua gordetzeko: 943 251919 telefonoan (astelehenetik ostiralera 8:30-13:30 | 16:00-20:00)