Pasadena

Libe García de Cortazarrek (Libe, Neubat, Izaki Gardenak) eta Jon Basagurenek (Izaki Gardenak) martxan jarri duten proiektu berria da Pasadena.

Urteak daramatzate elkari laguntzen kantuak osatzeko orduan, baina orain arte ez dira hastapenetik biona izango den disko batean pentsatzen jarri. Musika, hitzak eta ekoizpena euren esku hartu dute eta Danilo Forondak osatu ditu gitarra elektriko eta baxu moldaketak. Dani Arrizabalagak, berriz bateriarenak. Emaitza harrera ederra izaten ari den diskoa da.

Ahots armonia bikainak, instrumentazio aberats eta dotorea eta euren ibilbideetako doinurik landuenak aurki daitezke proiektu berri honetan, aurreko taldeetan eta kontzertuetan ikasitako guztia disko bakarrean gorpuztu balute bezala.

Ilunabarreko rock eta folk ukitudun musika, gitarra elektriko zein akustikoak, bateria erritmo landuak eta teklatu geruza sendoak abesti bakoitzari behar duena eskaini nahian.

2022ko apirilaren 9a, larunbata | 21:00
Lekua: Kutxa Kultur Kluba (Tabakalera, 1. solairua). Donostia / San Sebastián

Prezioa: 8 €.Sarrerak erosi

Sarrera leihatilan: 10 € (Tabakalerako informazio puntuan, 1. solairua), Online salmentan agortu ez badira.
Ordutegia: Astelehenetik ostegunetara: 10:00etatik 19:00etara
Ostiralean: 10:00etatik 20:00etara
Larunbatean: 11:00etatik 20:15etara
Igande eta jaiegunetan: 11:00etatik 19:00etara