IED Barcelona 20 urte. Manuel Outumuro
Argazki-erakusketa.
IED Kunsthal Bilbaok aurkezten digu erakusketa zaindu hau. Manuel Outumuro argazkilari ospetsuak 20 argazkiak sinatzen ditu. Erakusketak bai modaren, bai IED taldearen hezkuntza-proiektuaren iragan, orainaldi eta etorkizunean murgiltzen gaitu. Bereziki, esposizioak Bartzelonan kokatutako egoitzaren eta duela 20 urte konde-hirira ailegatu ziren eta hezkuntza-proiektu hori posible egin duten pertsonen historia islatzen du.
Outumuroren obra handi eta pertsonala modaren historiaren testigantza paregabea da eta argazkilariaren objektiboak Bartzelonako IED eskolako ikasle ohiek bi hamarkadatan zehar diseinatutako 20 look harrapatu ditu. Hautatutako proposamenek diseinatzaile bakoitzaren banakotasuna eta sormen-unibertsoa osatzen dituzten anbizioak, ametsak eta jakingurak islatzen dituzte.
2023ko apirilaren 25etik maitzaren 23ra
Lekua: Kutxa Kultur. Tabakalera (4. solairua). Donostia / San Sebastián
Sarrera doan
Ordutegia
Astelehena: itxita | Asteartetik ostegunera: 10:00 – 21:00 | Ostiralak eta larunbatak: 10:00 – 22:00 | Igandeak eta jai egunak: 10:00 – 21:00
Manuel Outumuro
Manuel Outumuro, Galizian jaioa (1949), gure herrialdeko argazkilari ezagunenetako bat eta Lucie saria (Oscar sariaren baliokidea argazkilaritzaren alorrean) jaso duen lehenengo espainiarra da (New York, 2022ko urria).
Moda-argazkilaritzaren sailean egin duen ibilbide luzea dela eta, material digitala eta hamar mila negatibo baino gehiago biltzen dituen artxibo handia eratu da. Artxibo hori, espainiar argazkilaritza mundu-mailan ezaguna izatea ahalbidetzeaz gain, azken 25 urteetako modaren historiaren zati bat islatzen duen dokumentu paregabea da.
