Naturan Hezi IV Topaketak | Sustraiak saretuz

Naturan Hezi Eskola naturaguneetan hezten duen hezkuntza-komunitatearen topagunea da, non ikastaroak eta urteko Topaketak ospatzen ditugun. Topaketen helburua gai zehatz baten inguruan sakontzea da, hizlari adituei entzunez, esperientziak partekatuz, eta ikastetxeen artean elkarlanak eta sinergiak sortuz.

Aurtengo edizioan, baso-eskolaren bidez sortutako saretzeak, sinergiak edota elkarlanak jarri nahi ditugu balorean, urte guzti hauetan zehar, bidelagun asko izan ditugulako eta sortutako elkarlan horietako asko, beste ikastetxeentzako ere eredugarriak eta baliogarriak izan daitezkeela iruditzen zaigulako.

Egun, 39 dira Kutxa Fundazioko Baso-eskola sarean dauden Gipuzkoako ikastetxeak

Basoko sustraien sarea hazten doalako eta horri esker, baita naturan hezten duen komunitatea ere.

2024ko ekainaren 27a, osteguna | 9:00-17:00
Lekua: Kutxa Fundazioa Plaza (4ª planta, Tabakalera). Donostia/San Sebastián
Antolatzailea: Kutxa Fundazioa UPV/EHUko Uda Ikastaroak Fundazioarekin (UIK) elkarlanean

Informazioa eta izenemateak: uik.eus

Ikastaroen zuzendariak

• Irati Andoño Erdozain (Kutxa Fundazioa)
• Maialen Sistiaga Poveda (UPV/EHU)

Nori zuzenduta

Publiko orokorra, Unibertsitateko ikasleak,Unibertsitarioak ez diren ikasleak, irakasleak eta profesionalak