Ricardo Martín. Argazkilari eta ikuslea | Doako bisita gidatua erakusketara
Larunbatero, kubo-kutxa Aretoak doako bisita gidatua eskaintzen du “Ricardo Martín. Argazkilari eta ikuslea" erakusketara.
- 18:30 euskaraz
- 19:30 gaztelaniaz
Ricardo Martínek 1914an hasi zuen bere karrera profesional edo lanbidea, aldizkari grafikoak beren goren aldian zeudenean. Argazki-estudioa Donostian Hondarribia kalean jarri zuen, eta geroago, 1915eko apirilean, Photo-Carte izenaz inauguratu zuen.
Ricardo Martín eta haren laguntzaileak egunero ibiltzen ziren hondartzan eta erreferentziazko lekuetan. Haien argazkiek modaren azken joeren berri ematen zuten, emakumeak bainu-jantzi berriekin paratzen zirelarik. Ez ziren ezusteko argazkiak, baizik eta berariaz dotorezia bilatzen zutenak irudietan. Askatasunaren Hiribidea, Kontxako Paseoa eta batez ere de Londres y de Inglaterra hotelaren izkina bihurtu ziren haien agertoki edo jokaleku.
Erakusketa
"Ricardo Martín. Argazkilaria eta ikuslea" erakusketa ez da era kronologikoan baizik eta tematikoan garatzen, egile hau berezi bihurtzen duten gaiak eta alderdiak azpimarratuz. Ibilbide honetan agerian geratzen da Ricardo Martínek nola ikusi zuen bere inguruko gizarte nahasia, behatzaileen garrantzia haren argazkietan, jende masen zera hipnotikoa, erretratatzea hain gustuko zuen jendetza.
Ezinbestekoa da aurrez erreserba egitea
Kubo-kutxa Aretoa
Zurriola, 1. 20002 Donostia
T- [+34] 943 012 400 ¦kubo@kutxa.eus¦www.sala-kubo-aretoa.eus
