Esanezin. Adarretatik
ESANEZIN Ianire Aranzaberen (Altzagarate,1999) proiektu musikala da. 2021ean eman zituen bere lehen pausoak «Aireratzen» EPa kaleratuz, zazpi kantuz osatutako bildumarekin. Pop doinuak jorratzen ditu nagusiki baina ateak itxigabe musika-erreferentzi berriei, eta bakarkako formatuan lehen kontzertuak eman ondoren laukote formatua hartu zuen proiektuak, Arri Iraeta, Iñigo Asensio eta Imanol Rubio bidelagun dituela.
2023an eszenatokietatik zertxobait urrundu eta proiektuaren lehen lan luzea kaleratu zuen «Erretratu Bat» izenpean, orain eta hemen gure ingurura begiratzeko modu bati erreferentzia eginez. Egunerokotasunari, priblilegioei, hautuei, beldurrei, zauriei; ezinbestean gure begiek ikusten dutenari eta zenbaitetan ikusten ez dutenari erretratu bat egitearen beharra gordetzen da kantuetan. Inguratzen gaituen guzti horren artean leku bat edukitzeko nahia eta ezina, dena zalantzan jartzea eta minutu batez bada ere hain urrun ikusten genuen horretan gure burua ikustea.
Instagram: esanezin
Twitter: esanezin
Bandcamp: esanezin
Youtube: @esanezin
Zarautzen urriaren 4, 5 eta 6an ospatzen den Musika Jaialdia.
Esanezin-en emanaldia, Katapulta Tour Gipuzkoa 2024 programaren eskutik, Zarautzeko Adarretatik Jaialdiaren barruan.
Katapulta Tour Gipuzkoa musikako eta formatu txikiko arte eszenikoetako programa da, eta Kutxa Fundazioak eta Gipuzkoako Foru Aldundiaren Kultura Departamentuak bultzatzen dute.
Munoa Plaza