Kalte Kolektiboa-Fikziohesioa

KALTE KOLEKTIBOA sei gaztek osatzen duten antzerki konpainia da: Omar Somai Lasa, Gaizka Sarasua Sorondo, Iholdi Beristain Martínez, Ander Lacalle Pérez, Eider Villalba Arrieta eta Oihan Carramiñana Zaldua. Taldearen garrantzia eta horizontaltasuna erdigunera ekarri nahi ditugu. Egin ahal sortzen dugu eta gure buruak elkarrekin zuzentzen ditugu. TAE-n (Donostiako Arte Eszenikoen Tailerra) ezagutu genuen elkar, ondorioz gure sorkuntza dinamikak jolasean datza. Guretzako antzerkia expresio jolas bat da, bizitzeko abiadura frenetiko produktibo honetan jolasteko eta honen bitartez sentitzeko tartea bilatzea iraultzailea iruditzen zaigulako. Eta gainera, dibertigarria!.

FIKZIOHESIOA Sinopsisa: Talde batean kohesioa lortzea batzuetan ez da erraza izaten, baina beharrezkoa da. Ideiarik gabeko sei aktore hauei egur xafla batek kohesiorako bidea irekiko die. Egur puska horri esker, triziklo eta aizkora batekin aurkituko dira, saskibaloi partida itzela jokatuko dute eta mikrofono pare batekin casting batean parte hartzeko aukera izango dute. Horrez gain, eraztun boteretsu baten menpe egongo dira eta hori desiratzen duen begi zahar handi batengandik ihes egin beharko dute. 

Xafla honek duen magia eta fikzio hauei esker, lortuko al du talde honek kohesioa? 

Fikziohesioa izan liteke agian! Ez dakit, agian amesten ari naiz baina, uste dut istorio hauek ezagunak egiten zaizkidala… Lagunduko didazu asmatzen?

Instagram: kaltekolektiboa
Facebook: Kalte Kolektiboa