Arteguneak Isabel Azkarateren atzera begirako erakusketa aurkeztu du
Gaur Artegunean Isabel Azkarateargazkilari donostiarraren erakusketa aurkeztu da.
Silvia Omedes (Photographic Social Vision Fundazioa) du erakusketak komisario, eta Isabel Azkarateren Artxiboak egindako dohaintza eskuzabala ospatzen du. Artxiboa 175.000 objektu baino gehiagok osatuta dago, guztira, kontuan hartuta negatiboak eta diapositibak, kamerak, katalogoak nahiz prentsako jatorrizko argitalpenak. Kutxa Fundazioaren Fototeka arduratzen da, gaur egun, haren funtsa zaintzeaz, eta, hala, erakunde horrek bermatuko du haren kontserbazioa, ikerketa eta zabalkundea.
Kutxa Fundazioak ekoiztutako erakusketa honek ia 300 kopia aurkezten ditu, horietako asko argitaratu gabeak, Isabel Azkaratek 1978tik 2006ra egindakoak. Bere helburu nagusia Euskadiko lehen emakume fotokazetaritzat hartzen den ondarea ezagutzea da. Hala, atzera begirako erakusketa bat antolatu da, zeinaren bidez ikusgarritasuna emango baitzaio irudien kantitateagatik ez ezik haien kalitateagatik zinez oparoa den artxibo bati eta zeinarengandik espero baitugu herritarren nahiz ikertzaileen akuilu izatea, artxibora jo dezaten gure azkenaldiko historiaren bestelako irakurketak eta interpretazioak eratzeko.
Ane Abalde, Kutxa Fundazioko Arte eta Ondareko zuzendaria,Ander Aizpurua, Kutxa Fundazioko zuzendaria,Silvia Omedes, komisarioa, eta Isabel Azkarate, artista, egon dira aurkezpenean (beheko irudian).
Erakusketa abenduaren 2tik 2024ko otsailaren 25era arte egongo da ikusgai.
Argazkilaria: Juantxo Egaña
