Inspira Bizitzak
Kutxa Fundazioa “Inspira Bizitzak” antolatzen ari da, urriaren 16 eta...
Kutxa Fundazioa “Inspira Bizitzak” antolatzen ari da, urriaren 16 eta 23an Eureka! Zientzia Museoan burutuko den topaketa.
Inspira Bizitzak, Inspira Bidaiak programaren barruko jarduera da, non, bere helburu nagusiak hurrengoak diren: gazteei beraien zaletasun eta talentua identifikatzen laguntzea, talentu hauetatik aldaketa sozial eta ekologikora bideratutakoak kanalizatzea, eta bide batez, lana-munduaren atarian dauden gazteei ezaugarri hauek dituzten talentuen ibilbideak babestea, orientatzea, erraztea eta saritzea, beti ere arrakala sozioekonomikoa, generokoa eta teknologikoa kontutan hartuta.
Inspira Bizitzak, 4. DBH, Batxiler eta Lanbide Heziketako (erdi mailako graduak) ikasleei bideratuta dago. Ikasleen eta hainbat profesionalen arteko elkartze puntu bat izatea du xedea, STEAM-eko hainbat esparruetan, hau da, zientzia-teknologia, artea, edota humanitatetan lana egiten duten profesionalak.
Parte hartzaileei, ibilbide akademiko eta irteera profesional anitzak erakustea bilatzen dugu. Entzute aktiborako eta hartu-eman zuzenerako espazioak sortzen dira, lan munduak eskaintzen dituen aukera, zailtasun eta kezken informazioaren elkartrukea bultzatuz.
Jarduera honekin, Bizitza Zientifikoak lemapean 11 edizioetan zehar antolatua, Eureka! Zientzia Museoak arlo zientifiko-teknologikoan bokazioak sustatzea zuen helburu. Kutxa Fundazioaren estrategia berrian, arlo hauen espektroa zabaldu egin nahi da, letra, arte eta humanitateei ere lekua emanez.
Aurten Inspira Bizitzak topaketaren formatua aldatu dugu. Alde batetik, arlo zientifiko teknologikoak interesatzen zaizkien ikasleentzako komunikazioak eskainiko ditugu, eta, bestetik, humanitateekin eta artearekin lotutako arloetan interesa duten ikasleentzako komunikazioak.
Egitaraua
Beraz, beharrezkoa da adieraztea zein ikaslek parte hartuko duen komunikazio zientifiko-teknologikoetan eta zein ikaslek parte hartu nahi duen humanitateekin eta artearekin lotutako komunikazioetan, aldi berean eskainiko baitira.
