Eratostenesen makila | elkarrizketa zientifikoak
Astronomia, neurri handiagoan edo txikiagoan, mundu guztiaren jakin-mina pizten duen zientzia da. Ia egunero ikus dezakegu astronomiaren arloko albisteren bat komunikabideetan, eta albiste horiek ez dira erabat ulertzen edo ez dira modu egokian tratatzen. Eratostesen Makilazientzia-dibulgazioko programa bat da, astronomiari, astrofisikari, kosmologiari eta hurbileko beste zientzia batzuei berariaz eskainia.
Eratostenesek duela 2200 urte neurtu zuen Lurraren zirkunferentzia, makila batek proiektatutako itzala erabiliz. Sare sozialetan eragina duten pertsonek gure planetaren forma ere zalantzan jartzen dutela ikusten dugun testuinguru honetan, dibulgazio-programa honen helburua da punta-puntako ikerketa herritarrei hurbiltzea, modu egiazkoan, ulergarrian eta ikertzaileen laguntzarekin. Ikertzaile horiek lehen eskuko lanei buruz hitz egingo digute edo ikerketa-zentroetara egingo dituzten bisitetan lagunduko digute. Era berean, herritarren zientzia-proiektuei ere balioa emango diegu, horietan guztiek parte har baitezakete, eta, horrela, zientziaren eta gizartearen artean elkarrizketa arina izaten lagunduko dugu.
Dibulgazio saioak
Saioak Eureka! Zientzia Museoan izango dira, 18:30etan, eta 90 minutu irango dute.
Streaming bidez emango dira eta YouTuben grabatu eta zintzilikatuko dira, ondoren ikusi nahi dituenarentzat.
Honako hau egingo da:
-Astronomia eta astronautika arloetatik datozen albisterik aipagarrienen iruzkina, bai komunikabideetan agertzen direnak eta azalpen arrazoituagoa merezi dutenak, bai garrantzitsuak izan arren oharkabean pasatzen direnak.
- Gonbidatutako ikertzaile bati elkarrizketa egingo zaio, eta bertara joango da gertuko zentroren batean lan egiten badu, edo online, ezin bada joan.
- Hurrengo hilabetean ikus daitekeen zeruaren deskribapen laburra, eta objektu astronomiko nabarmenen aurkezpena, zientzialari herritarrek egindako astrofotografiak aztertuz.
Hitzaldien kronograma
- Martxoak 12 (info +)
- Apirilak 9
- Maiatzak 14
- Ekainak 11
- Urriak 8
- Irailak 10
- Azaroak 12
- Abenduak 10
 |
 |
