Kutxa Fundazioak Onintza Etxebesteren Baserri Hedatua liburua aurkezten du
Kutxa Fundazioak Onintza Etxebesteren Baserri Hedatua liburua aurkezten du, Gipuzkoako historia berreskuratzen egindako ibilbide luzearen 70.argitalpena.
Egileak ikerketa kulturalen ekarpenez argitu du baserria XXI. mendera arte ekarri duen bidea. Eta ondare ia ukiezintzat jo den hori gure begien aurrean desmuntatu du. Zabaldu egin du baserria, haren geruzak eta atalak banan-bana hedatu ditu, etxea mota askotako egintzetara ireki arte. Horrela, harreman sareak ehundu ez ezik, esanahi berriak proposatu ditu, are probokatu ere, performance sorta baten bidez. Izan ere, arte esperimentazioa eta kulturaren gaineko gogoeta teorikoa eskua elkarri emanda ageri zaizkigu liburu honetan, eztabaida pizteko eta baserria ezarri zaion fetitxismotik askatzeko. Alegia, baserriari bizitza berria hauspotzeko.
Aurzkepena datorren ostiralean, martxoak 18, 19:00etan, Kutxa Kultur-en (Tabakalera, 4. solairua) izango da.
Ekitaldian idazlea bera eta Mikel Mendarte, Kutxa Fundazioko Kultura-zuzendaria, izango dira.
[irakurri gehiago prentsa-oharrean...]
