Hezur Muineta

HEZUR MUINETA  
 

-3.200.000 / +2009

KOMISARIOTZA: Dr. Alejandro Pérez-Ochoa / Dr. Timothy G. Bromage 
 

DATA: 2009ko apirilaren 29tik uztailaren 5a arte  
 

  Izan al daiteke giza eskeletoa arte-erakustaldi baten lehengaia?

  Erantzuna, Madrilgo Complutense Unibertsitateko Alejandro Pérez-Ochoa  eta New York-eko Timothy G. Bromage paleoantropologoek sustaturiko proposamen interesgarriaren arabera kubo-kutxa Aretoan jarri den “HEZUR MUINETAN / ÓSEOS COSMOS” erakustaldiak emango digu. Bi doktoreek "Minbizia eta giza eboluzioa" proiektuan elkarrengana hurreratu dituzte beren aspaldiko (25 urtetik gora) ibilbideak. Ikerkuntza zientifikoko lan honek biologia molekularraren eta paleoantropologiaren ikuspegietatik heldu dio minbiziaren azterketari eta, azterlana gorpuzteko, giza eskeletoa Afrikako herrialde zenbaitetan ikertu behar izan dute 2009 honetan amaitu baina orain dela ia lau milioi urte hasi zen bidaia luzean.

  Oraingoan, berriz, “HEZUR MUINETAN / ÓSEOS COSMOS” (-3.200.000 / +2009) erakusketan lan eskerga horren parte bat ezagutzeko aukera izango dugu. Pérez-Ochoa eta Bromage doktoreek, izan ere, naturako ereduen bila zeharkatu dituzten lan-eremuetan bildutako irudi mikrodigitalen hautapen berdingabea egin dute.

  Eta emaitza hor da: paregabeko edertasuneko irudi horien bidez gure egituren eta horien funtzionamenduaren lehenaldia, munduko hominidorik aspaldikoenaren eskeletoa eta Txernobil-go erradiazioak natur egituren alterazioan izan dituen ondorioak, besteak beste, ezagutu ahal izango ditugu. Agerpen honetan, sorburu zientifikoez haraindi ere, gizakiaren eboluzioaz eta hezkuntzak sustatzen duen gizarteak hobetzeko duen hautaz gogoeta egin dezagun proposatzen zaigu.

  Zientzia eta artea uztartzen dituen proiektu honen berdingabetasuna erakarri gertatu zaio kubo-kutxa Aretoari erakusketa hau antolatzeko, bistan da. Halaz ere, hori ez da erakustaldia eratzeko unean aintzat hartu den aspektu bakarra. Aurtengoan kutxa-ren Gizarte Ekintzaren proiekturik adierazgarrienetako bat burutu da: Institutu Onkologikoaren egoitza berria eraikitzea, alegia. Bai inguruetan, bai Estatu osoan ere, minbizia prebenitzeko, ikertzeko eta tratatzeko lehen mailako osasun zentro hori, gaitzaren kontrako borrokan emaniko 75 urte baino gehiagoren emaitza da Institutua. Eskarmentu luze horrek aukera ematen digu Pérez-Ochoa eta Bromage doktoreek bultzaturiko ekimen hori goresteko: autoreek minbiziaren aurkako lanean ari direla, eginkizun zehatz horrekin lotura hertsirik ez omen dituzten beste diziplina askotarako ateak zabaldu dituzte, denon mesedetarakoa izan den agerpen eder hau gorpuzteko. Arteak eta zientziak, uztarturik, geure buruaz ez dugun irudia erakusten digute bertan.

  HITZALDIAK:  
 

Hitzaldia:

"Bateratzeak: Artea eta Zientzia".  
 

Hizlaria:

Carmen Alonso Pimentel

Arteko Historialaria istoriadora del Arte 
 

2009ko ekainaren 2an 19:30ean.  
 

Hitzaldia:

"Giza eboluzioaren bidezidorrak: Zientzia eta Artea"  
 

Hizlaria:

Alejandro Pérez-Ochoa

Paleontropologoa eta erakusketaren Komisarioa.

2009ko ekainaren 4an 19:30ean. 
 

Sarrera doan  /  Leku-kopuru mugatua.  
 

 KONTZERTUA:    
 

   Garikoitz Mendizabalen "Sasegua"  diskoaren aurkezpena.

  Data: Ekainaren 2009ko 17an 19:30ean.

Sarrera doan  /  Leku-kopuru mugatu  
 

DOAKO BISITA GIDATUA:

Larunbatero 18:30ean euskaraz, eta 19:30ean gaztelerez. 
 

Beharrekoa da erreserba egitea 943 012 400 telefonoan edo Aretoan bertan.  
 

FAMILIENTZAKO JARDUERAK: 

Larunbatero 12:00etatik 13:30era.

BISITA GIDATUA + TAILERRA

3 €ko kuota / Doan Gizarte Ekintzaren bazkidentzat  / Beharrezkoa da erreserba egitea 943 012 400 telefonoan.

Erakusketan zehan jarduera didaktikoen programa zabala prestatu dugu, era askotako taldeentzat pentsatua:

BISITA GIDATUAK  (60 min.) 
 

y  
 

BISITA GIDATUA + TAILERRA (90 min.) 
 

Bisita edo ikustaldi gidatuen kuota 30 €-koa da talde bakoitzeko, eta bisita + lantegia aukeratzen bada, 3 euro parte-hartzaile bakoitzeko. Taldeak gehienez ere 25 pertsonakoak izan daitezke.

Informazioa eta izen-ematea telefono honetan:  943-012400

ERAKUSKETA KATALOGOA 
HEZUR MUINETAN 
 

-3.200.000 / +2009 
 

Egileak:

Emiliano Aguirre 
 

Timothy G. Bromage 
 

Alejandro Pérez-Ochoa 
 

Hizkuntzak: euskara, castellano francés e inglés  
 

Orrialde-kop.: 120 
 

Argitaratze urtea: 2009

ISBN: 978-84-7173-536-2

Saulnerria: 25 € (BEZa barne)