Ricardo Martín. Argazkilari eta ikuslea

RICARDO MARTÍN

Argazkilari eta ikuslea

2016ko azaroaren 4tik 2017ko urtarrilaren 22ra d

Komisarioa: Juantxo Egaña
 

1914an hasi zuen Ricardo Martínek bere karrera profesionala. Bere argazki-estudioa Donostian Hondarribia kaleko 2an jarri zuen, eta geroago, 1915eko apirilean, Photo-Carte izenaz inauguratu zuen. Lehen Mundu Gerraren urteak ziren. Photo-Carte berehala bihurtu zen hiriko argazkigintza dokumentalaren erreferentzia, modernitatearen, berehalakotasunaren eta aniztasunaren ñabardurak gehituz. Orduan ohikoa zenaren aldean oso bestelako begirada.

    Ricardo Martín eta bere kolaboratzaileak egunero ibiltzen ziren hondartzan eta erreferentziazko lekuetan. Haren argazkiek modaren azken joeren berri ematen zuten. Ez ziren argazki kasualak, dotoretasuna bilatzen zuten irudietan. 
    Belle Époque distiratsuan babesturiko hiriak saihestua zuen Gerra Handia.  Ez, ordea, Afrika iparraldea sutzen zuen gatazka koloniala. Martínek Afrikarako itsasontzia hartu zuenean 39 urte zituen. Bere argazkien arabera, bazirudien Ricardo Martíni ez zitzaiola gerraren garapen belikoa interesatzen, gatazkaren giza alderdia baizik.

    Ricardo Martín "noranahiko" bat izan zen, etengabeko esperimentazioan. Erreportaria zen, erretratu anonimo, istripu, alaitasun eta tristuren milaka lekukotasun utzi zituena. Martín hirian ibiltzen zen, bertako pasealekuetan, hondartzetan, auzoetako jaietan, udatiarrentzako festetan.

1934an gaixotu zen. Ez zen iritsi gerra zibilaren hasiera ezagutzera, 1936ko uztailean hasi baitzen. Estatu-kolpea baino aste batzuk lehenago hil zen, 54 urte zituela.


 

KRONOLOGIA RICARDO MARTÍN

1882. Villanueva de la Serena-n (Badajoz) jaio zen.

1910. Afizionatu gisa, Reala futbol-taldearen argazkiak egin zituen

1914. Argazkilari gisa hasi zen lanean.

1914. Donostiako Paseo Berriaren eraikuntzaren argazkiak egin zituen.

1915. Photo-Carte denda ireki zuen Donostiako Hondarribia kaleko 2an.

1915. Besteak beste, Gipuzkoako El Pueblo Vasco, La Voz de Guipúzcoa, Correo del Norte eta La Constancia hedabideetako berriemaile izendatu zuten.

1916. Madrilgo El Día egunkariarekin kolaboratzen hasi zen.

1916. Heraldo deportivo-ren berriemaile grafiko izendatu zuten Gipuzkoarako.

1920. Erneman Globus kamera erosi zuen Parisen.

1920. Jacinto Benavente-ren argazkia egin zuen.

1921. Ricardo Martín izenaz estudioa ireki zuen Donostian Askatasunaren Hiribideko 20an.

1921. Itsasontzia hartu zuen Afrikara joan eta hango gerra-gatazkaren irudiak hartzeko.

1922. Afrikako gerraren argazkiak egin zituen, hainbat hedabidek argitaratuak, besteak beste ABC, Mundo Gráfico, La Acción eta Mundo Nuevo-k.

1925. Agustina Zugasti-rekin ezkondu zen.

1926. Vicente semea jaio zen, argazki-negozioarekin jarraitu zuena 1991n itxi zen arte.

1926. Askatasunaren Hiribideko 20ko estudioa itxi zuen.

1929. Bartzelonan urte hartako Erakusketa Unibertsalaren argazkiak egin zituen.

1930. Buster Keaton iparramerikar antzezlearen argazkiak egin zituen Donostian egon zenean.

1930. Josephine Baker-en argazkiak egin zituen Gipuzkoako hiriburuan egin zuen emanaldian

1930. Donostiako El Día egunkarian argazkiak argitaratu zituen sortu zenetik.

1931. Charles Chaplin antzezle eta zinema-zuzendariaren argazkiak egin zituen Donostian egon zenean.Zezen-plazan, abuztuaren 9ko zezenketan, Lalana toreatzaileak belarria eskaini zion Chaplin-i, eta honek bere zilarrezko zigarreta-kaxa oparitu zion.

1932. Alemaniara joan eta Leica bat erosi zuen.

1932. As aldizkariarentzat hasi zen lanean.

1933. Argazki-erreportajea egin zion Paulino Uzkuduni pisu astunen munduko txapelketarako prestatzen ari zenean.

1936. Bi urteko gaixoaldiaren ondoren, Donostian hil zen.

IKUSTALDI GIDATUAK
 

Doako ikustaldi gidatua larunbatero
 

18:30ean euskeraz
19:30ean gazteleraz

Ezinbestekoa da erreserba egitea 943 012 400 edo Aretoan bertan.

AUDIOGIDA ZERBITZUA
 

Ricardo Martín. Argazkilari eta ikuslea,  erakusketarekin batera audiogida zerbitzua lau hizkuntzean(Euskera gaztelera, inglesa eta frantsesa) aurki daiteke.

3€ audiogida bakoitza
 

Indukzio magnetikoko begizta-zerbitzua ere badago audifona “T” (telebobina) posizioan erabiltzen dutenentzat

“Ricardo Martín. Argazkilaria eta ikuslea” erakusketa dela-eta, Kubo-kutxa aretoak konferentzia-ziklo bat antolatu du argazkilariari eta bere testuinguru historikoari buruz.

Konferentziak Kubo-kutxa aretoan izango dira, 19:00etan. Sarrera doan, leku guztiak bete arte.

2016ko azaroaren 24a:

Mikel Gurpegi (kazetaria)

Egunkaria eskuan, gerra arteko Donostian paseoan.


 

2016ko azaroaren 30a:

Miren Arzalluz (historialaria)

Emakumea gerra arteko garaian: gizarte-aurrerapenak eta urratze estetikoak.

2016ko abenduaren 15a:

Clemente Bernad (argazkilaria)

Rif: ehun urte ez dira ezer.

2017ko urtarrilaren 11:

Lee Fontanella (Antzinako argazkigintzan aditua)

Gerraurreko argazkilari baten gaiari helduta.

ZIANOTIPIA TAILERRA

Abenduaren 23an eta 30ean, 17:00etatik 18:30era

5 eta 11 urte arteko haurrentzat, helduek lagunduta

Dohainik

Gabon hauetan ikas ezazu antzina nola egiten ziren argazkiak, zer den negatiboa eta nola finkatzen diren irudiak paperean.

Niko Iturralde-ren eskutik, Zianotipia ─antzina argazkigintzan erabiltzen zen prozedura, 1842an sortua─ ezagutzera gonbidatzen zaituztegu. Ricardo Martínen argazkiak negatibo gisa erabiliz, paperera aldatuko ditugu antzina egiten zen bezala.

Ezinbestekoa da erreserba egitea 943 012 400 telefonoan edo aretoan bertan.

FAMILIENTZAKO TAILERRAK

Iraganera bidaia
 

Ricardo Martínek argazki kamerarekin harrapatzen zituen eszenak berregingo ditugu eta ondoren haietan murgilduko gara.

Animatzen zara?

Familientzako Tailerrak 5 eta 11 urte arteko parte-hartzaileentzat, helduek lagunduta

Larunbatero 12:00etatik 13:30era

Prezio orokorra: 3€
 

Argibideak eta erreserbak 943 012 400 telefonoan edo posta elektronikoz: This email address is being protected from spambots. You need JavaScript enabled to view it.

IKASTETXE ETA KOLEKTIBOENTZAKO JARDUERA

Ikustaldi gidatua:

Iraupena: 60 min

Jardueraren kostua: 60€

Bisita-tailerra.

Iraupena: 90 min

Jarduearen kostua: 80€

Jarduera guztietan gehienez 25 parte-hartzaile.

Jarduera hauez gain, edozein premia eta taldetara egokitutako jarduerak egin ditzazkegu

ERAKUSKETAREN KATALOGOA
 

RICARDO MARTÍN
 

Argazkilari eta ikuslea
 

Egileaeak: 
 

Juantxo Egaña
 

Lee Fontanella

 

Hizkuntzak: euskaraz, gazteleraz, frantsesez eta ingelesez.
 

Argitaratze urtea: 2016

ISBN:978-84-7173-587-7
 

Salneurria: 30 € (B.E.Z.a barne)

AGORTUA