Rafael Moneo. Museoak, auditorioak, liburutegiak

RAFAEL MONEO
 

MUSEOAK, AUDITORIOAK, LIBURUTEGIAK

DATA: 2005eko abuztuaren 3tik urriaren 23ra

KOMISARIOTZA: María Fraile Ocharán Rafael Moneo lankidetzan
 

  Kubo-kutxa Aretoan erakusketak eskaintzeko ibilbideak berezko ezaugarri bat baldin badu, gaur-gaurko artearen munduan ibilaldi zabala eskaintzeko zorioneko ahalegina da hori zalantzarik gabe: ibilaldia osotasun liluragarri bat balitz bezala aurkeztu nahi baitu, osotasunean diziplina guztiek beren lekua aurkitzen dutela.

  Ildo horretan, "RAFAEL MONEO: Museoak, Auditorioak, Liburutegiak" izenburuko erakusketa, orain kubo-kutxa Aretoak arkitekto handi horren ibilbide luzeari eskaintzen diona, borondate baten barruan sartu behar dugu, alegia: nazioarteko sorkuntzan eta artean gailentzen diren lanak Donostiara hurbiltzeko nahiaren barruan, zer arte-generotakoak diren aintzat hartu gabe; era berean, erakusketa Rafael Moneok berak sortu duen Kursaal jauregiko hormen barruan ikusi ahal izatea -bertan kokaturik baitago kubo-kutxa Aretoa- oso egoera berezia da, eta garrantzi handia hartzen du, hala sinbologiaren alderditik nola emozioenetik.

   Rafael Moneo: nafarra, Tuterakoa, bere garaian Javier Sáenz de Oiza beste arkitekto nafar eredugarriaren luxuzko kolaboratzailea, eta curriculum bikainaren jabea, Pritzker Saria ere jaso baitu (arkitekto batek jaso dezakeen munduko saririk garrantzitsuena). Rafael Moneo: erreferentziazko obra ukaezinen sortzailea, hala nola Meridako Arte Erromatarraren Museo Nazionala, Madrilgo Thyssen-Bornemisza Museoa, edo Houstongo Arte Ederren Museoa; edo Europako eta Estatu Batuetako hiriburu nagusietako zenbaitetan bukaturik dauden proiektu handien sortzailea ere bai. Hain zuzen ere, proiektu horien hautaketa zorrotz bat -"Museoak, Auditorioak eta Liburutegiak" erakusketarekin lotuta- ikusgai egongo da lehenengo aldiz Donostian.

   Kutxa Gipuzkoa Donostia Kutxarentzat, erakusketa hori aukera benetan handia da une honetan munduko arkitektorik handienetako bat den gizonaren lana gipuzkoarrengana hurbiltzeko; baina, aldi berean, opari bereziki eskuzabala izan behar du, hiriak bere gainean hain eraikin ederrak eraiki dituenari egiten diona. Rafael Moneok gure hiriari lotuta jarraituko du, proiektu handi bat, Loiolako Ibaiertzak Donostiako auzoan eraikiko den eliza, dirdirarazi egingo baitu. Proiektu berri horren aurkezpenak, hain zuzen ere, leku berezia izango du Artearen Kutxaguneko kubo-kutxa Aretoaren ingurune pribilegiatuak orain eskaintzen duen erakusketan, jarduerak antolatzen bost urte eman dituela ospatzeko osatu dugun ezohiko egitarauaren barruan.

  BISITA GIDATUAK:

   Kuota:5€

      Euskaraz:  asteartero 19:30ean eta larunbatero 11:30ean 
 

   Gazteleraz:  asteazkenero 19:30eane ta larunbatero 12:30ean

     HITZALDIA:

       "EL PRADO-KO MUSEOAREN ZABALKUNTZA " 

       Hizlaria: RAFAEL MONEO

      Data:  urriaren 11n 19:30ean

     Lekua:  Andia Aretoan (Andía z/g - Donostia)

       Sarrera libre leku-kopuru bete arte
 

TAILERRAK

Astelehenetik ostiralero euskaraz eta gaztelereraz 
 

 Ezinbestekoa da erreserba egitea 943 012 400 telefonoan edo Aretoan bertan.

 Kuota:5€. / Gehien-gehienez 25 lagun talde bakoitzean.

BISITA GIDATUAK 
 

Astelehenetik ostiralero euskaraz eta gaztelereraz 
 

 Ezinbestekoa da erreserba egitea 943 012 400 telefonoan edo Aretoan bertan.

 Talde bakoitzeko kuota:30€ / Gehien-gehienez 25 lagun talde bakoitzean.

o

ERAKUSKETA KATALOGOA
 

RAFAEL MONEO

Museoak, Auditorioak, Liburutegiak.

Autoreak:

Rafael Pérez Oyarzun

Rafael Moneo
 

Hizkuntza: euskaraz,  gazteleraz, inglelesez y frantsesez
 

Orrialde-kop.: 144
 

Argitaratza-urte: 2005

ISBN: 84-7173-466-4

Agortua