Carmen Calvo. Ametsa akabatzea

CARMEN CALVO

Ametsa akabatzea

(1969 - 2019)

2019ko otsailaren 8tik maiatzaren 5era

Komisarioa: Alfonso de la Torre

Erakusketa honek Carmen Calvoren etapa artistikoak erakusten ditu.Artistak berak eta Alfonso de la Torre komisarioak aukeratutako obrek sortzaile kontzeptual honen unibertso berezian barneratzen gaituzte, egiteko modu berezi eta konplexu bat izanagatik publiko zabalak ulertzen duena, modu natural batean konektatzen baitu artistaren mezu konprometitu eta sarritan emotiboarekin. 

Erakusketa ez dago kronologikoki antolatuta, afinitate joko baten bidez baizik, multzoa erraz ikusteko aukera ematen duten areto handietan, eta bisitari bakoitzaren esku dago zer ordenatan ikusi.Piezak kokatzeko modu horrek elkarren ondoan jartzen ditu hainbat garaitako obrak edo teknika desberdinez eginikoak, eta agerian uzten du horrek Carmen Calvoren lanaren erabateko koherentzia.Gehikuntza, collage, batuketa, interbentzioa, objektua... artistaren lana definitzen duten hitzak dira, eta presente daude erakusketaren obra bakoitzean.

Carmen Calvo (Valentzia, 1950)

   Publizitate ikasketak egin zituen Valentziako Goi mailako Arte eta Diseinu Eskolan, eta Arte Ederrak ikasi zituen Valentziako San Carlos Errege Akademian.

Beka eta sari ugariren irabazle —Hezkuntza, Kultura eta Kirol Ministerioak ematen duen Arte Plastikoen Sari Nazionala (2013), besteak beste—, ohikoa da haren izena nazioarteko deialdi artistikoetan, eta atzerrian ospe handiena duen espainiar artistetako bat da.

Laurogeietako hamarralditik —The Solomon R. Guggenheim Museumek 1980an antolatutako New Images from Spain erakusketan parte hartu zuen—, Calvoren obra Espainiako arteari eskainitako erakusketa garrantzitsuenetan egon da, nabarmentzekoa izanik Joan Brossarekin batera Veneziako XLVII Bienalean izan zuen partaidetza.

Pinturan egin duen lanaz gainera —nazioarteko eszena artistikoan «hibrido» eta oso berezitzat jo dezakegun eremu batean—, aipatzekoak dira eraikin publikoetan egiten dituen interbentzioak, iraunkorrak kasu batzuetan.  

2002an, Sofia Erregina Arte Zentroaren Museo Nazionalak Carmen Calvori eskainitako erakusketa bat antolatu zuen Velazquez Jauregian.Azken erakusketen artean (2013-2018) aipatzekoak dira:Fundación Antonio Pérez (Cuenca); Centro de Arte Tomás y Valiente-CEART (Fuenlabrada, Madril); Galería Fernández-Braso (Madril); Galería Alejandro Sales (Bartzelona); Galería Rafael Ortiz (Sevilla); CFC Bilbo; Galería Art Lounge (Lisboa); Galerie Thessa Herold (Paris); Guy Bärtschi Gallery (Geneva); Mario Mauroner (Viena); Tiempos Modernos (Madril); Museo Cerralbo-Photespaña (Madril) edo Altxerri Galeria (Donostia).2016-2017an, artistaren obraren atzera begirako zabal bat egon zen ikusgai Madrilgo Alcala 31 Aretoan.Valentziako San Carlos Arte Ederretako Errege Akademiako akademiko izendatua, Carmen Calvoren lana museo eta bilduma ospetsuenetan ikus daiteke.

www.carmencalvo.es

Y no ha quedado para nadie

(Eta ez du inorentzat geratu),2006

Recopilación

(Bilduma), 1975

IKUSTALDI GIDATUAK

Ikustaldi gidatuak doan larunbatero.

18:30h euskeraz

19:30h gazteleraz

Ezinbestekoa da ereserbea  egitea 943 25 19 39 telefonoan, Aretoan bertan edo  This email address is being protected from spambots. You need JavaScript enabled to view it.

AUDIGIDEN ZERBITZUA

CARMEN CALVO. Ametsa akabatzea (1969-2019) erakusketarekin batera audiogida zerbitzua euskeraz, gazteleraz eta frantsesez aurkitu daiteke. se acompaña de un servicio de audioguías en cuatro idiomas: euskera, castellano e inglés.

3€ audioguida bakoitzeko

Indukzio magnetikoko begizta-zerbitzua era badago audifonoa "T" (telebobina) posizioan erabiltzen dutenentzat.

Ezinbestekoa da erreserba egitea 943 251939 telefonoan, Aretoan bertan edo  This email address is being protected from spambots. You need JavaScript enabled to view it.

FAMILIENTZAKO TAILERRAK

Gauzak ez dira diruditena

5 eta 11 urte bitarteko haurrentzat lagunduta

Larunbatero 12:00etatik  13:30era arte

Prezioa: 3€   

Carmen Calvok gustuko ditu argazki zaharrak, baita haiek eraldatzea ere, mota askotako objektuak eta materialak erantsiz.Carmen Calvoren estiloko lan bat sortu ahal izateko, lehenik eta behin, erretratu bati begiratzen eta bertan dagoen pertsonaren historia imajinatzen ikasi beharko dugu.Nola zuen izena?Zer lanbide zuen?Non bizi zen?Zoriontsua zen?Bakarrik hori egin badugu erantsi ahalko dizkiegu argazkiei galdera horiei emandako erantzunak aditzera emango dituzten elementuak, eta halaxe bakarrik lortuko dugu hari esanahi berri bat ematea.

Informazioa eta ereserbak 943 251939 telefonoan edo  This email address is being protected from spambots. You need JavaScript enabled to view it.

IKASTETXE ETA TALDEENTZAKO JARDUERAK

Ikustaldi gidatuak

Iraupena : 60 min

Ekintzaren prezioa: 60€

Bisita-tailerra

Iraupena: 90 min

Ekintzaren prezioa: 80€

Jarduera guztietan gehienez 25 parte-hartzaile

Jarduera hauez gain, edozein premia eta taldetara egokitutako jarduerak egin ditzazkegu
 

Informazioa eta ereserbak  943 251939 edo  This email address is being protected from spambots. You need JavaScript enabled to view it.