Ezagutza Km0

Gaur egungo erronka handien inguruko topagunea, hainbat GJHtan inspiratua. Bertan, ezagutzaren ekosistemako tokiko eragileek beren aurrerapenak eta proposamenak azaldu eta partekatzen dituzte beren artean eta herritarrekin. 

Ezagutza Km0-k Gipuzkoako ezagutzari balioa eman nahi dio, baita partekatzea helburu duten agente dibulgatzaileei ahotsa eman ere, herritarrei jakinduria hurbilduz, pentsamendu kritikoa eta erronka globalekiko konpromisoa aktibatze aldera. 

Diotenez, zuk zeuk zerbait entzun, ikusi eta sentitzen duzunean, inplikazioa eta sentsibilizazioa askoz ere handiagoak izaten dira. Horregatik sortzen ditugu zuzen-zuzenean parte-hartzea sustatzen duten uneak eta agertokiak. Gipuzkoan gizarte gisa dagozkigun gaiekin pertsonak inplikarazi edo konprometitzeko. 

Izan ere, ezagutza oro galdera batekin hasten da, erronka batekin, proposamen batekin. Programa honen bidez, herritar gisa mugiarazten gaituzten erronka globalak partekatzen ditugu, ezagutza aberastuz eta aldaketaren inguruko parte-hartzea eta iritzia demokratizatuz.

Eztabaidatzea, duda egitea, galdetzea, ekarpenak egitea, parte izatea, besteekin batera sortzea. Azken batean, Ezagutza Km0.