Hazitegia

Berrikuntza irekiko proiektuak bultzatuz sorkuntza eta ekintzailetza sustatzeko gunea. 

Zer da kultura eta sorkuntza? Entretenimendua edo aldaketa-eragilea? Zer ahalmen du? 

Kutxa Fundazioan, kultura- eta sorkuntza-sare sendo, dinamiko eta jasangarri bat ehuntzeko premian sinesten dugu. Gure helburua da eremu horietan berrikuntza eta profesionalizazioa sustatzea, gure lurraldearen ekonomia- eta gizarte-aurrerapenean ekarpen esanguratsuagoa egin dezaten.

Hazitegia gunea da aldaketa horren bihotza eta motorra. Hainbat jardueraren bidez, kultura- eta sorkuntza-eragileak indartzen ditugu, laguntza emanez beraien proiektuak, bideragarriak izateaz gain, merkatuan arrasto iraunkorra utziko dutenak izan daitezen.

Tokiko kultura- eta sorkuntza-ehuna dinamizatzeko eta aberasteko gune bat sortu dugu, pentsamendu kritikoa sustatzeko eta irtenbide berritzaileak eskaintzeko duen ahalmena nabarmenduz. Horrela, gure helburua Gipuzkoa argitu eta egungo eta etorkizuneko erronkekin lotzea da, etorkizun jantziago, sortzaileago eta jasangarriagorako bidea eginez.