Inspira Bizitzak

Inspira Bizitzak, Inspira Bidaiak programaren barruko jarduera da, non, bere helburu nagusiak hurrengoak diren: gazteei beraien zaletasun eta talentua identifikatzen laguntzea, talentu hauetatik aldaketa sozial eta ekologikora bideratutakoak kanalizatzea, eta bide batez, lana-munduaren atarian dauden gazteei ezaugarri hauek dituzten talentuen ibilbideak babestea, orientatzea, erraztea eta saritzea, beti ere arrakala sozioekonomikoa, generokoa eta teknologikoa kontutan hartuta.

Jarduera honekin, Bizitza Zientifikoak lemapean 11 edizioetan zehar antolatua, Eureka! Zientzia Museoak arlo zientifiko-teknologikoan bokazioak sustatzea zuen helburu. Kutxa Fundazioaren estrategia berrian, arlo hauen espektroa zabaldu egin nahi da, letra, arte eta humanitateei ere lekua emanez.

Inspira Bizitzak, 4. DBH, Batxiler eta Lanbide Heziketako (erdi mailako graduak) ikasleei bideratuta dago. Ikasleen eta hainbat profesionalen arteko elkartze puntu bat izatea du xedea, STEAM-eko hainbat esparruetan, hau da, zientzia-teknologia, artea, edota humanitatetan lana egiten duten profesionalak.

Parte hartzaileei, ibilbide akademiko eta irteera profesional anitzak erakustea bilatzen dugu. Entzute aktiborako eta hartu-eman zuzenerako espazioak sortzen dira, lan munduak eskaintzen dituen aukera, zailtasun eta kezken informazioaren elkartrukea bultzatuz.

DBHko 4. mailako, Batxilergoko edo Heziketa Zikloetako ikaslea al zara?

Inspira Bizitzak 2024ko urriaren 21ean, urriaren 28an eta azaroaren 4an izango da.

Kutxa Fundazioak, Polymat, DIPC eta CFMrekin lankidetzan, Inspira Bizitzak deritzon zientzialari eta zientzialarien eta Bigarren Hezkuntzako eta Batxilergoko ikasleen arteko topaketa hau antolatuko du.  

Inspira Bizitzak STEAM (zientzia, teknologia, ingeniaritza, artea eta humanitateak eta matematikak) arloan lan egiten duten profesionalen eta DBHko 4. mailako, Batxilergoko eta Heziketa Zikloetako (erdi-mailako) ikasleen arteko topagunea da. 

Gainera, ikasleek beren prestakuntza eta/edo lanbidea aukeratu aurretik ezagutu ahal izango dute.

Parte hartzeko sakatu HEMEN.

IZEN-EMATEAK

Urriaren 3an topaketan parte hartzeko ea hautatuak izan zareten jakinaraziko dizuegu.

Zure esperientzia askorentzat eredugarria da.

Inspira Bizitzak, DBH4, Batxiler eta Lanbide Heziketako ikasle eta profesionalen arteko elkargune bat da, non profesionalak ikasleentzako inspiratzaile diren.

Zure ibilbide akademikoa, profesionala, zein zure bizipenak uste baino inspiragarriagoak izan daitezke ikasleentzat, beraien talentu eta zaletasunak identifikatzen lagundu ahal die eta beraien ibilbide akademiko zein pertsonalean orientatu.

Arrazoi hauengatik, topaketa honetara gonbidatu nahi zaitugu.

Nola parte hartu?

Inspira Bizitzak 2024 topaketa, Eureka! Zientzia Museoan ospatuko da Urriak 21, 28 eta Azaroak 4an, hauetako egun batean, bi egunetan edo hiruretan parte har dezakezu.

Bertan arlo ezberdinetako 35 profesional bilduko zaituztegu espazio amankomun batean: ingeniariak, fisikariak, artistak, argazkilariak, filosofoak, ekintzaileak, matematikariak, biologariak, komunikatzaileak… eta ikasleak zuzenean zuekin egoteko aukera izango dute, zalantzak, argituz eta zuen ibilbide profesionala sakonago ezagutuz.

Profesional hauetatik egun bakoitzean 9 aukeratuko ditugu, topaketa aurretik 5 minutu komunikazio labur bat emateko ikasleen aurrean.

Horrez gain, Profesional bakoitzak stand bat izango du, posterra, irudiak edo argazkiak zintzilikatzeko eta material, ordenagailu eramangarri bat eta ikasleekin harremanetan jartzea bultzatzen duten beste gailu batzuk ipintzeko.

Edozein zalantza baduzu idatzi: inspirabizitzak@kutxafundazioa.eus

Eusko Jaurlaritzako Hezkuntza Sailak emandako bereizgarria da, hezkuntza-ekimen baten STEAM izaera kalifikatzen duena.

Zehazki, hauek dira STEAM Euskadi zigilua duten ekimenek betetzen dituzten ezaugarriak:

Gutxienez helburu hauetakoren batera bideratuta egotea:

• Ikasleek zientzian, teknologian eta matematikan duten gaitasuna hobetzea
• Esparru horietan bokazio eta asmo profesionalak inspiratzea
• Emaitza zehatzak izatea
• Genero-ikuspegia txertatzea

STEAM hezkuntza-ekimen bat sustatzen duen Euskadiko edozein hezkuntza-erakundek (ikastetxeak, lanbide-heziketako zentroak edo unibertsitateak) edo erakunde sozioekonomikok jaso dezake STEAM Euskadi zigilua, edozein hezkuntza-etapari edo adini zuzenduta ere.

STEAM Euskadi zigilua ekimen bidez ematen da, eta, beraz, erakunde berak hainbat zigilu izan ditzake, betiere adierazitako baldintzak betetzen baditu.