Zientziabidea

Erakusketa-gunea, zientziak ezagutzaren sorkuntzari egiten dion ekarpena ikusarazteko eta esperimentatzeko, punta-puntako zientziari, mugako zientziari, keinu berezia eginez. 

Zientziabidea jakingura, kezka eta gehiago jakin nahi izatearen bidezko zientzia da. 

Proposamen honek zientziara eta teknologiara gizarte-problematikatik hurbiltzera gonbidatzen gaitu, eta bere aplikazioek egunerokoan nola laguntzen diguten hausnartzea du helburu, hausnarketa eta ikaskuntza kontzienteagoak, inplikatuagoak eta kolaboratiboagoak sortzeko; eta mugako zientziak gaur egun jorratzen dituen hainbat erronka ere aurki daitezke gune horretan. 

Zientziaren bide horretan, tokiko eragileen lana ikusarazi nahi da, asko baitute kontatzeko eta herritarrekin partekatzeko. Interesa sortu nahi dugu, inspiratu, arrastoa utzi eta bisita bakoitzean “zerbait” piztu, jendea galderekin atera dadila, eta banakako edo taldeko erantzunak bilatzeko prozesu berriei ekin diezaiela.

Espazio horretan, hainbat elementu museografiko eta jardueraren bidez, herritarrek aukera izango dute interes sozialeko gai desberdinen eduki zientifikoekin zuzenean elkarreraginean aritzeko eta sakontzeko.