Ongi etorri

Kutxa Fundazioan, gure lurraldearen aurrerapen integralarekiko konpromiso historiko eta ezin hautsizkoan datza gure funtsa. Gipuzkoa bidezkoago, sortzaileago, jantziago eta jasangarriagoa eraikitzera bideratutako eraldaketa-tresna gisa ulertzen dugu gure lana. Ikusi eta irakurriko duzun hau gure bizi-helburuaren adierazgarri da: ekarpenen bat egiten duena zaintzea eta eraldatzen duen horretan inbertitzea. Gipuzkoari bere osotasunean (pertsonak, elkarteak eta enpresak) laguntzen diogu, gure garaiko erronka handiei erantzuteko gizarte- eta ingurumen-konpromisoa aktibatuz.

Egunez egun lan egiten dugu ingurune eta gizarte lehiakor, berritzaile eta, batez ere, gizatiar baten alde. Gune digital hau arakatzera gonbidatzen zaitugu, bertan Fundazioaren eragin edo inpaktua jaso baitugu, ideien eta ekintzen ekosistema bat, amesten dugun Gipuzkoa elkarrekin eraikitzeko diseinatua.