Pertsonak ere bagara natura

Bizimodu jasangarria eguneroko konpromiso gisa ulertzen dugu, pertsona eta gizarteko eragileak beren ingurune naturalaren parte aktibo eta banaezin gisa kokatzen dituen konpromiso gisa.

Gure ikuspegia kontserbaziotik haratago doa; ekintza zuzenaren eta prestakuntzaren bidez, Gipuzkoako gizartearen eta bertako ekosistemen arteko oreka birsortu nahi dugu.

Baratze Parke Sarearen gisako proiektuak filosofia horren erakusgarri dira, non harreman komunitarioen garapena eta baratzezaintza ekologikoaren ikaskuntza eta aplikazioa uztartzen diren. Horri eskerrak, 1.500 familia baino gehiago naturaren zikloekin birkonektatzea ahalbidetzen dugu, eta ekonomia zirkularraren eta konpostajearen bidez ingurumen-aztarna murrizteko aukera ematen diegu.

Iraunkortasun-ekosistema hori estrategia pedagogiko eta parte-hartzaile berezi batekin osatzen da, eta etapa guztietan laguntzen die herritarrei. Gazteenek Basoeskolan egiten duten murgilketatik hasi eta KLIK Agendarekin edo TOPA! jaialdiarekin bultzatzen dugun mobilizazio sozialeraino, gure lana buruan gertatzen den klik hori erraztea da, asmo edo intentzio soiletik praktikara pasatzeko beharrezkoa den aldaketa hori eragitea. Asmo soiletik praktikarako urrats horren adibide dugu Hitzetatik Ekintzetara ohitura-aldaketen programa, non kezka ekosoziala kohesio komunitarioaren motor eta eragile bihurtzen dugun, Gipuzkoan modu jasangarrian bizitzea lurralde erresiliente, osasuntsu eta gizatiarrago bat eraikitzea dela onartuz.

+

Hitzetatik Ekintzetara: hitz soilak gainditu eta lanari ekin.

Badakigu informazioa edukitzea, berez, ez dela nahikoa; ekintza behar dugu. Hitzetatik Ekintzetara programarekin, herritarrek bizimodu kontzienteago baterantz jauzi egitea errazten dugu. Tresna praktikoak eskaintzen ditugu, eta akonpainamendua, herritar taldeek beren kontsumo, energia eta mugikortasun ohiturak alda ditzaten, tokiko aldaketa txikiek inpaktu global handiak sortzen dituztela erakutsiz.