13- 13
Elkartasuna mugez haraindi
Gipuzkoaren laguntza mundu osora iristen da.
Kutxa Fundazioan, Gipuzkoaren bizitasuna bultzatzen dugu.
Txoko guztietara iristen den euri arin bat bezala ikusten dugu geure burua, herritarrengandik jaiotako proiektuak ureztatuz, guztion bizi-kalitatea hobetzeko.
Zer gara?
Lurraldea ureztatzen duen lankide sendo eta nekaezina, elkarte-ehuna haztea ahalbidetzen duena. Hirugarren sektoreko erakundeen arteko lankidetza sustatzen dugu, baita herritarrekiko lankidetza ere, modu orekatuan gure eskualde guztietan.
Nola egiten dugu?
Kutxa Fundazioarentzat, hirugarren sektoreari laguntzea, dirulaguntza-lerro bat baino gehiago, Gipuzkoaren erresilientzia eta kohesioa indartzeko konpromiso estrategiko bat da.
Gipuzkoako ekosistema osoan barrena mugitzen gara, entitateak lotuz, energia mobilizatuz eta elkarren arteko konfiantza sustatuz.
Konponbideak iristeko zain egon beharrean, bultzatu, testatu eta finkatu egiten ditugu, Gipuzkoak erreferentziazko lurraldea izaten jarrai dezan, ongizatean, berrikuntzan eta elkartasunean.
Dirua ekintza zuzen bihurtzen dugu Gipuzkoako gizartearen hainbat mailatan. Lurraldea ureztatzen duen etengabeko laguntza da, elkarteen eta irabazi asmorik gabeko erakundeen bitartez herritarrak aktibatu nahi dituena.
Erakunde baten benetako balioa bere komunitatearen beharrei erantzuteko duen gaitasunaren arabera ere neurtzen da, bereziki behar horiek askotarikoak eta konplexuak direnean. Kutxa Fundazioan uste dugu Gipuzkoaren aurrerapena orainaren premia eta etorkizunaren anbizioa aldi berean babestuz eraikitzen dela.
Irmoki sinesten dugu elkarte-sarearen boterean. Hori dela eta, irabazi-asmorik gabeko 200 erakunde baino gehiagori laguntzen diegu urtero, gure laguntza-deialdien bidez. Eredu honek beste batzuk iristen ez diren tokietara iristeko aukera ematen digu: desgaitasuna duten pertsonei laguntzeko programetatik hasi eta gure eskualdeetako herri txikienetako dinamizazio kulturaleraino.
“Irabazi-asmorik gabeko 200 erakunde baino gehiagori laguntzen diegu urtero”
Garbiñe Etxezarreta
Elena Rosales
Gipuzkoatik Mundura
Gure elkartasuna mugez haraindi iristen da. Urtero, Kutxa Fundazioak berdindu egiten du bere pertsona-taldeak nazioarteko lankidetza-programari egiten dion ekarpen ekonomikoa. Gipuzkoar espiritua mundura eramateko daukagun modua da.
Hirugarren Sektore Ekosozialaren Sendotzea
Jakin badakigu sektore ekosoziala gure ekonomiaren eta erresilientziaren funtsezko zutabea dela. Ziurgabetasun-garaietan ere, elkarteak indartzen jarraitzen dugu, kolektibo ahulenak babesten dituen segurtasun-koltxoi hori izaten jarrai dezaten.