Ekintzailetzaren lurraldea gara

Kutxa Fundazioak, finantzaketa eskaintzeaz gain, komunitate inkubatzaile gisa ere jokatzen du. Akonpainamendua da gure balio bereizgarria: proiektu bat koaderno batean ideia bat besterik ez izatetik arrakasta profesional bihurtzen den arte, gure gaur egungo kulturako irudi ikonikoekin gertatu den bezala.

Kutxa Fundazioan biziki nabari dugu Gipuzkoarekiko dugun konpromisoa, eta horrek Gipuzkoaren aurrerapena pertsonen, kulturaren, zientzien eta berrikuntzaren bidez sustatzera bultzatzen gaitu. Talentua eta ekintzailetza garatzen lagundu nahi dugu kulturaren eta sormenaren sektorean. Mende erdiz baino gehiagoz etengabe lagundu diogu sektore horri, gure lurraldearen garapen jasangarrian duen funtsezko eginkizuna aitortuz. Konpromiso hori indartu egiten da Kutxa Fundazioaren Plan Estrategikoarekin (2023–2030). Sorlekua da sorkuntzarako gune hori. Programa paregabe eta bakarra da, hemengo, Gipuzkoako, kultur eta sormen proiektuak indartu, lotu eta bultzatzeko. Kultura eta sormen industrien proiektuak hazi, sendotu eta hurrengo mailara eramateko pentsatua dagoen mentoretza-programa bat da Sorlekua Mentoretza. Kultiba eta Ekintzakoop-en aliantzarekin eta 10.000€-rainoko ekarpenarekin, bidelagun izan gara. Kulturaren eta sorkuntzaren sektoreetako hainbat eragile indartzen jarraitu nahi dugu, trantsizio ekosozialera bideratutako kontzientziazio, prestakuntza eta gaitze jarduerak txertatuz programan. Sortzea erantzukizuna hartzea ere badelako. Programak, gainera, ekonomia sozialaren alde egiten du, pertsonak erdigunean jartzen dituzten enpresa-ereduak sustatuz, kapitalaren gainetik, eta begirada kolektibo eta jasangarria duten proiektuak bultzatuz.

gure laguntzaren inpaktua ibilbide finkatuetan neurtzen da. Horren adibide dira Izaro eta Idoia artistak, edo Amarenak moda-marka, laguntza-programei lotuta hasi baitzuten beren ibilbide profesionala. Hasierako laguntza hori (egoitza artistikoak, entsegu-aretoak eta agertokiak barne hartzen dituena) beharrezko txinparta da gure inguruko talentuak nazioarteko proiekzioak lor ditzan.

programazio berritzailea eta osagarria proposatzen da lurraldean, hainbat arlori garrantzia emateko: Gipuzkoako sorkuntza berri eta askotarikoa, euskara, gaurkotasunari buruzko gogoeta eta begirada artistikotik beste eztabaida batzuekin gurutzatzea. Hori guztia lurraldeko beste jaialdi eta ekimen eszeniko batzuetarako plataforma ere izanik. Gure agertokiak aukera ematen die tokiko, estatuko eta nazioarteko talentuei beren lana erakusteko, beren karrera profesionaletan lagunduz.