5- 13
Jakintza bizi osorako da
Kutxa Fundazioaren historian hainbat gairi buruz hitzaldiak, tailerrak eta prestakuntza- eta dibulgazio-jarduerak antolatu izan dira
helburu hauekin: ezaupideak gizarteari hurbiltzea, herritarrak pentsamendu kritikorantz aktibatzea, ezagutza sarean zabaltzea eta lurraldeko hainbat eragileren artean lankidetza sustatzea.
Gure historian zehar, Kutxa Fundazioan topaketa eta hausnarketarako gune bat finkatu dugu, askotariko gaiak jorratzen dituzten hitzaldiak, tailerrak eta biltzarrak antolatuz, betiere gure gizartean ezaupideak zabaltzeko helburu sendoarekin.
Kutxa Fundazioaren helburua jakin-mina bizimodu bihurtzea da, pentsamendu kritikoa eta ikaskuntza esanguratsua sustatzea. Bizipenetan eta diziplinartekotasunean oinarritutako ezagutza-prozesua proposatzen du. Prozesu horrek ezagutza eskuratzea, zalantzan jartzea, barneratzea errazten du, ezagutza sortu eta partekatzera bultzatzen gaitu... azken batean, ezaupideak Gipuzkoan bizitzera.
Gure hitzaldi-aretoek jakintza-arlo guztietako (zientziak, artea, etika, jasangarritasuna...) erreferenteak hartu dituzte.
Doako hitzaldi horiek ezagutza demokratizatzen dute, eta eztabaida global handiak gure komunitatera gerturatu edo hurbiltzen dituzte.
Gune desberdinak "agora" moderno bihurtzen ditugu, non XXI. mendeko erronka handiak eztabaidatzen diren: klima-aldaketa, adimen artifiziala, etika eta bizikidetza, besteak beste.
Lehen mailako adituekin egindako hitzaldi-zikloen bidez, ezagutza espezializaturako sarbidea demokratizatzen dugu. Hitzaldi hauek, ekitaldi bat izateaz gain, gogoeta-haziak dira, gipuzkoarrei mundu konplexu batean nabigatzen laguntzen dietenak informazio egiazkoarekin eta espiritu kritikoarekin.
Kutxa Fundazioan jakintza pertsonen zerbitzura jartzeko erabakiarekin jaio ginen, ezagutza gizarteari hurbiltzeko formatu berritzaileak garatuz. Gure programazioaren bidez, askotariko eskaintza finkatzen dugu, publiko orokorrarentzako gai-zorro espezifiko bat duena, baita lurraldeko eskoletarako diseinatutako hezkuntza-programak ere.
Aitzindariak izan ginen behar sozial hori antzematen kultura-etxeak sortu aurretik. Eboluzionatzea erabaki genuen eta jakintzaren dibulgazioaren espiritu historikoa integratzea Tabakaleran, herritarrak ekosistema kultural berri horretara mobilizatzeko erronka geure gain hartuz.
Ziklo-formatu horrek milaka pertsona hartzen ditu urtean (aurrez aurre eta online), eta gai asko jorratzen dira: Adimen Artifiziala (AA), osasun mentala eta abar.
Azken bosturtekoan, adibidez, 200 hitzaldi baino gehiago antolatu dira (geopolitikaz, nutrizioaz, …). Formatua streaming-era egokitu dugu, eta horrela hitzaldiek bertaratzen direnengan eragiteko balio dute, bai eta ezagutza-biltegi digital bat sortzeko ere, aurrez grabatuta milaka pertsonak kontsulta dezakete eta.
Pentsamendu Kritikoa eta Etika Digitala:
Adimen Artifizialaren eta sare sozialen gorakadaren aurrean, teknologiak gazteengan duen eraginari buruzko eztabaidak antolatu ditugu. Zibersegurtasunari, aro digitalean osasun mentalari eta etika algoritmikoari buruzko hitzaldiek tresna praktikoak eman dizkiete lurraldeko familiei eta hezkuntzako profesionalei.
Lankidetza Erreferente eta Erakundeekin:
Sortu zenetik, Kutxa Fundazioak aliantza-sare bat eratu eta urteen poderioz handitu egin du herri-administrazioekin, baita tokiko hainbat erakunderekin ere, besteak beste EHU, Donostia International Physics Center eta San Telmo Museoarekin. Lankidetza horien guztien helburua sinergiak sortzea da, ezaupideetara hurbiltzeko jarduera-sorta handiagoa eskaintzeko. Horrela, esparru akademikoa gizarte zibilaren beharrekin lotzen dugu.
Hurrengoa
Influencer izateak eragina izatea esan nahi du
